Ibuprofeno
Durante o mes de outubro a montaxe 'Deadpan Karaoke' poderá verse en Navarra e Cantabria, dentro do programa Constelacións de Camiño Escena Norte. O espectáculo foi seleccionado xunto aos galegos 'Molto Barroco' de Píscore-Culturactiva e 'Tabú' de Colectivo Glovo. Outras 12 compañías de Asturias, Navarra, Cantabria e Euskadi, tres de cada un dos territorios, completan a oferta desta edición.
'Deadpan Karaoke' é un espectáculo participativo ambientado nun karaoke que trata de dar resposta á pregunta: É posible o amor na sociedade tardocapitalista na que vivimos?. As súas paradas en Camiño Escena Norte serán durante o mes de outubro: o sábado 12 en Alsasua, o venres 18 en Castro Urdiales, o sábado 19 en Villaviciosa e o domingo 20 en San Vicente de la Barquera.