Ibuprofeno
A última montaxe de Ibuprofeno Teatro, Reconversión, foi recoñecida na 41 edición da Mostra Internacional de Teatro de Ribadavia co Premio do Público. A obra, escrita e dirixida por Santiago Cortegoso, narra a historia de seu pai, un home que traballou durante 30 anos no estaleiro Ascón e viviu en primeira persoa as mobilizacións históricas que tiveron lugar nos anos 70 e 80.
Dende o ano 2000 a MIT concede este galardón, que votan directamente as espectadoras, para facer partícipe ao público na organización do festival. Énchenos de ledicia ter recibido este premio que outorga o público.