Ibuprofeno
Neste mes de xullo a montaxe 'Reconversión'poderá verse en Vilamarín, dentro da programación das Noites Teatrais, e en Ribadavia, na 41ª Mostra Internacional de Teatro.A primeira das citas será en Vilamarín o martes 15 de xullo ás 22:00 horas no Auditorio Municipal, a entrada é de balde ata completar aforo.
O mércores 23 de xullo 'Reconversión' estará no Auditorio 'Rubén García' do Castelo ás 23:00 horas, dentro da programación da MIT de Ribadavia. A información sobre a venda de entradas está dispoñible na web da MIT: www.mitribadavia.gal
'Reconversión' é un exercicio de memoria histórica arredor da reconversión naval na Ría de Vigo, escrito e dirixido por Santiago Cortegoso. O texto, creado ao abeiro do XI Laboratorio Teatral da Fundación SGAE 2023 e publicado en galego por Edicións Positivas, narra a historia do pai do autor, un home que traballou no astaleiro Ascón durante 30 anos. Cortegoso lévanos do íntimo ao político sintetizando na persoa de seu pai as vivencias de toda unha xeración, que sufriu o paro polo peche da factoría en 1984 e viviu as mobilizacións históricas que tiveron lugar nos 70 e nos 80.