SMOKE ON THE WATER NA SALA ÁRTIKA

Calendario: Funcións

Fecha: 21.09.2024 20:00 - 21:00

Lugar: SALA ÁRTIKA DE VIGO

Entradas: https://www.artikavigo.com/smoke-on-the-water_ev25130.html

Descripción

Coa colaboración da Xunta de Galicia a través da Axencia Galega das Industrias Culturais, axudas á distribución

Ao remate da función do sábado 21 haberá un coloquio co público: "Rock and roll e marxinación social"

Coa participación do equipo da función (intérpretes e director) e Alicia Figueiras, traballadora de Servizos sociais comunitarios no Concello de Padrón.

Traxicomedia sórdida

Unha historia de sexo, drogas, rock and roll, enfermidade, violencia, prostitución, vandalismo, morte e, por suposto, de amor.

Ritchie (Blackmore) vive ancorado no rock and roll de los 70, ten unha tenda de discos e vinilos de colección. Janis (Joplin) xa hai anos que non canta, estuda filosofía na universidade. A súa unión sobrevive despois de case 25 anos de crise matrimonial permanente, formando un círculo vicioso enfermizo, un sistema de relacións de dependencia imposible de desenlear. Este "status quo" absurdo, en continua combustión, vese ameazado pola aparición de Álex, un gigoló de ideoloxía vandálica e transgresora que se namora perdidamente de Janis, ao tempo que establece unha fonda amizade con Ritchie.

A intervención de Joan Baez, empregada de banca que xestiona a hipoteca de Ritchie, clienta de Álex, propicia un final pateticamente feliz ao enredeo amoroso-financieiro entre este grupo de seres humanos fracasados, torpes, perdedores, frustrados, desgastados e maltratados pola vida, que provocan tenrura e compaixón.

PREMIO MARÍA CASARES AO MELLOR ACTOR PROTAGONISTA (JOSITO PORTO) E AO MELLOR ESPAZO SONORO (MON ORENCIO)

Elenco:
- Josito Porto: Ritchie
- Belén Constenla: Janis
- Adrián Ríos: Alex
- María Costas: Amparo, Joan Baez
- Mon Orencio: Músico en escena
Dirección e texto: Santiago Cortegoso
Movemento escénico e axudantía de dirección: Carmela Bueno
Espazo escénico: Pablo Giráldez 'O Pastor'
Deseño de iluminación: Salvador del Río
Deseño de vestiario: Marián Bañobre
Xastra: Bety Busto
Caracterización: Baia Fernández
Espazo sonoro e dirección musical: Mon Orencio
Imaxe: Diego Seixo
Técnico en xira: Héctor Pazos
Cobertura técnica: Ningures Produción S.L.
Vídeo: José V. Estonllo
Produción: Marián Bañobre
Produción e comunicación: Fátima R. Varela
Distribución: Ibuprofeno Teatro S.L.