Ibuprofeno
A montaxe Reconversión recibe seis galardóns na XXX Gala de Premios de Teatro María Casares que organiza a Asociación de Actores e Actrices de Galicia. A gala, que se celebrou no Teatro Rosalía Castro da Coruña, foi unha homenaxe ao dramaturgo, actor e mestre Manuel Lourenzo e recoñeceu a traxectoria de Luma Gómez, á que se lle outorgou o Premio de Honra Marisa Soto.
Reconversíón recibiu o premio a mellor espectáculo, mellor dirección (Santiago Cortegoso, Carlos Álvarez-Ossorio e Natalia Feijoo), mellor actor secundario (Fran Lareu), mellor actriz secundaria (Cristina Collazo), mellor autor (Santiago Cortegoso) e mellor espazo sonoro (Alonso Caxade).
A serie Clopen do Centro Dramático Galego recibiu o premio á mellor actriz protagonista (Natalia Pajarito) e mellor direccion de movemento (Marta Alonso Tejada), Tromso de Morraoconto levou o galardón a mellor espazo escénico (Rafa Martínez, Miguel Gendre, Lara Pouso e José Faro ‘Coti’) e a mellor iluminación (José Faro ‘Coti’).
O premio ao mellor actor protagonista foi para Fran Lareu polo seu traballo en Un tal Romeo de A Ramboia. Tanxarina fíxose co galardón ao mellor espectáculo de monicreques por A biblioteca galáctica contra a IA fantástica, e Berenguela na gaiola de Galeatro e Xarope Tulú levou o premio nas categorías de mellor espectáculo infantil e mellor tradución / adaptación (Paula Carballeira). Alta Costura de Elefante Elegante obtivo o premio a mellor vestiario (Carolina Díguele) e O libro da Selva. O musical de Artika Cía á mellor maquillaxe.