Ibuprofeno
Do 10 ao 12 de agosto impartiremos un obradoiro de creación escénica na Mostra de Teatro Galego de Cariño. As inscricións están abertas ata o vindeiro 4 de agosto a través do correo: Este endereço de email está protegido contra piratas. Necessita ativar o JavaScript para o visualizar. . O obradoiro que ten un prezo de 12 € realizarase no Auditorio Municipal de Cariño en horario de 10 e 14 horas e está dirixido a persoas maiores de 12 anos.
Emprenderemos un proceso de investigación e descubrimento a partir dun tema relacionado coa historia de Cariño. Propoñemos o sector da industria da conserva ou a carpintería de ribeira.
Mediante o xogo e as improvisacións individuais e colectivas, deseñadas a partir da documentación acadada en torno ao significado que ten o tema na comunidade na que se inscribe, trataremos de xerar contido escénico, non tanto para acadar un resultado óptimo para a representación, senón co obxectivo de experimentar o goce e a vertixe de crear teatro con liberdade.
Esta forma de traballar parte da premisa de que os actores e actrices son os verdadeiros creadores e creadoras. Son os e as participantes quen xeran os textos e as accións, a partir do material emotivo e imaxinativo que cada un pode achegar por si mesmo e na interacción en grupo, en relación co tema tratado.
+ info e inscricións en: Este endereço de email está protegido contra piratas. Necessita ativar o JavaScript para o visualizar. / 981 405 064