A filla de Woody Allen

Dirección

Santiago Cortegoso
Autoría

Santiago Cortegoso
Duración

70'
Estrea

08/03/2010

"Na vida, o oitenta por cento é presentarse". Woody Allen

Entra en escena unha personaxe cunha gran maleta na man. Ao pouco, o público descobre que é a todas luces igual que Woody Allen, que se comporta coma el, que ten as mesmas teimas. Pero ela ignora o parecido. Está perdida, ignorante do evidente, na procura dunha identidade que todos coñecemos.

O punto de partida de A FILLA DE WOODY ALLEN é o inicio dunha viaxe, unha viaxe da protagonista na procura de seu pai, do cal só sabe que vive en Nova Iork, que toca o clarinete e que lle manda un agasallo cada ano polo seu aniversario.

Estes agasallos son tesouros para ela e constitúen un crebacabezas co que foi construíndo un mito que a acompaña no seu desenvolvemento vital. Atoparse con ese mito revélase como a vía para acadar a felicidade, pero tamén supón unha fuxida dunha vida cotiá insatisfactoria.

Ela loita. É incansable. É vitalista. E pon todas as súas esperanzas nese ser descoñecido. A viaxe a Nova Iork é a viaxe a un mundo ideal; é a procura de algo por definir, unha interrogante vital que non sabe se será respondida.

Elenco: Marián Bañobre
Dirección e textos: Santiago Cortegoso
Coreografía: Carmela Bueno
Deseño de iluminación: Salvador del Río
Imaxe: Diego Seixo
Asesoría musical: Anxo Graña
Deseño de vestiario: Marián Bañobre
Realización de vestiario: Raquel Martínez

Ao facer clic neste vídeo, depositaranse as cookies.