Ibuprofeno
'Deadpan Karaoke' foi recoñecida con dous premios María Casares na XXVIII edicións destes galardóns que outorga a Asociación de Actores e Actrices de Galicia. Baia Fernádez recibiu o premio á mellor caracterización pola concepción e realización da labor de maquillaxe e perruquería da personaxe Deadpan, interpretada por Marián Bañobre. Mónica de Nut recibiu o premio ao mellor espazo sonoro polo seu traballo e a súa pericia para facer convivir os distintos elementos sonoros dunha montaxe na que a música e o son son fundamentais.
Foron premiados tamén os espectáculos: A inimiga do pobo de Talía Teatro (7 galardóns), O auto do Castromil de Producións Teatrais Excéntricas (2 galardóns), Nanai da China de Pérez&Fernández (1 galardón), Crisálida de Caramuxo Teatro (1 galardón), Shakespeare en Roma do CDG (1 galardón), Entrega en man de Contraproducións (1 galardón), Un hotel de primeira sobre o río do CDG (1 galardón) e Códice K de Ainé (1 galardón).
Podedes ver a lista completa de premiados AQUÍ