Ibuprofeno
Galicia é a rexión convidada da 55ª Edición do Festival Internacional de Teatro de Manizales e a súa extensión, Festival de Teatro y Música Comfama San Ignacio. As compañías: Fran Sieira con 'Demente', Elefante Elegante con 'Alma de Tigre', Ainé Producións con 'Continenete María', Pistacatro con 'Orquestra de Malabares' e Ibuprofeno Teatro con 'O mel non caduca' viaxarán a Colombia co patrocinio da Xunta de Galicia, para presentar os seus traballos nestas dúas citas de renome internacional.
Ibuprofeno Teatro presentará a obra 'O mel non caduca' o xoves 26 de outubro no Auditorio Universitario Nacional de Manizales e o mércores 1 de novembro no Teatro Comfama de Medellín. A obra é unha traxicomedia arredor da obsolescencia programada e do abandono do rural ambientada no universo da apicultura. A escenografía, formada por colmeas, replicouse no taller do festival para estas funcións en Colombia. A escenógrafa, Paula Leguizamont, e os auxiliares de utilería, Viviana Chaura e Jorge Eduardo Padilla foron os encargados de levar a cabo este excelente traballo.
Actividade patrocinada por
