Casa O'Rei

Manolo Rei, vello e enfermo, prepara un cocido e reúne a familia. A comida sempre é unha escusa. Desta vez para repartir a Casa entre as súas tres fillas. Pero o cocido sáelle cargado de traizón e desprezo, intragable polo amargor dun mundo novo, acedo e descoñecido, que trae do estranxeiro unha morte preconxelada e adobada con fel. O tempo, o destino e o Burger King son implacables coa sorte dos mortais que non saben seleccionar os ingredientes axeitados para elaborar as receitas da súa vida.

• Elenco:
  • Miguel Borines: Manolo Rei
  • Victoria Teijeiro: Maribel
  • Marián Bañobre: Rita
  • Raquel Espada: Cordelia
  • Víctor Mosqueira/Santiago Cortegoso: Cosque
  • Xosé M. Esperante: Albino

• Deseño e realización da escenografía: Pablo Giráldez "Pastor"
• Deseño de iluminación: Salvador del Río
• Vestiario: Marián Bañobre
• Música: Alonso Caxade
• Gravada por: Tomás Ageitos no Estudio A Ponte
• Músicos: Manu Paino, Manu Espinho, Xosé Tunhas e Alonso Caxade
• Maquillaxe e peiteado: Baia Fernández
• Técnico de luz e son: Héctor Pazos
• Cobertura técnica: Ningures Produción S.L.
• Imaxe: Diego Seixo
• Vídeo: José V. Estonllo
• Axudante de dirección: Laura Campos
• Texto e dirección: Santiago Cortegoso

O noso agradecemento ao Concello de Catoira por cedernos o Auditorio Municipal para os ensaios; e ao Concello de Vigo pola Residencia Técnica no Auditorio Municipal e por acoller a estrea deste espectáculo.