O furancho (2015)

Sempre na vangarda do deseño e das últimas tendencias, Marián Bañobre e Isabel Risco preséntannos a súa última creación: O furancho. Unha nova aposta empresarial que cheira a éxito a pesar do contexto hostil no que vivimos.

  • Categoría: En cartel, Comedia, Contemporáneo, Familiar
  • Duración: 80'
  • Autoría: Santiago Cortegoso
  • Dirección: Santiago Cortegoso
  • Premios: Premio María Casares 2016 ao Mellor Vestiario, Finalista nos Premio María Casares 2016 ao Mellor Autor, Premio Fetega (Festival do Carballiño) a Mellor espectáculo e Mellor Actriz (Isabel Risco)

Sinopse

No noso furancho pódese consumir o excedente de viño, que é sinónimo de humor, e gozar dun espazo de comunión e complicidade no que o público acode a empaparse coa máis pura e sincera expresión da comedia hilarante.

E para quen non sexa de moito beber alcohol, no noso Furancho Spa resort vitivinícola Rosalía de Castro ofrecemos tratamentos de beleza e saúde baseados na viñoterapia. O corpo humano é unha parra que se expande. Cada célula é unha uva que nos flúe por dentro. Nós cruzamos as sementes das cepas máis exquisitas para atopar a combinación perfecta que che aporte relax e benestar. Todo sen química, nin sulfitos. Ecolóxico 100%.

Ficha artística

  • Creación e interpretación: MARIÁN BAÑOBRE E ISABEL RISCO
  • Texto e Dirección escénica: SANTIAGO CORTEGOSO
  • Movemento escénico: CARMELA BUENO
  • Deseño de iluminación: SALVADOR DEL RÍO
  • Imaxe: DIEGO SEIXO
  • Deseño de vestiario: MARIÁN BAÑOBRE
  • Realización de vestiario: MARÍA NEGREIRA (CDG)
  • Zocos: ELENA FERRO
  • Deseño do espazo escénico: SANTIAGO CORTEGOSO E MARIÁN BAÑOBRE
  • Deseño de son: QUITO
  • Música: RADIO COS
  • Cobertura técnica: NINGURES PRODUCIÓN
  • Produción: IBUPROFENO TEATRO, COA COLABORACIÓN DA AAAG E O CDG
O furancho

Documentación